នៅក្នុងអត្ថបទសិក្សាផ្នែកពាណិជ្ជកម្មរបស់សកលវិទ្យាល័យហាវើដ លោក Achor (២០១២)បានដកស្រង់លទ្ធផលនៃការស្រាវជ្រាវ២២៥ ដែលបានរកឃើញថា បុគ្គលិករីករាយផ្តល់ ផលិតភាពខ្ពស់រហូតដល់៣១% ការលក់ខ្ពស់ដល់៣៧% និងសកម្មភាពឆ្នៃប្រឌិតខ្ពស់គុណនឹង៣ដង។ គាត់បាននិយាយនៅក្នុងសៀវភៅរបស់គាត់ថា “ភាពរីករាយ នាំមកនូវភាពជោគជ័យស្ទើរគ្រប់វិស័យ ដូចជា ការងារ សុខភាព ទំនាក់ទំនងមិត្តភាព ទំនាក់ទំនងសង្គម សកម្មភាពឆ្នៃប្រឌិត និងថាមពល ” (Achor,២០១០)។
ផ្នែកដែលល្អជាងគេគឺថាយើងអាចទទួលយកបាននូវរបៀបគិតជាវិជ្ជមាន និងអាកប្បកិរិយាប្រកបដោយភាពរីករាយ ព្រោះថាខួរក្បាលមនុស្សមានលក្ខណះពិសេសដែលអាចមាននូវអ្វីដែលអ្នកវិទ្យាសាស្ត្រហៅថា Neuroplasticity មានន័យថា ខួរក្បាលយើងគឺមានសមត្ថភាពផ្លាស់ប្តូរ និងទទួលយកអ្វីមួយក្នុងពេលរស់រានមានជីវិត។
គន្លឹះដ៏ល្អមួយនៅក្នុងសៀវភៅរបស់លោក Achor គឺវិធីសាស្ត្រមួយដែលគាត់ហៅថា “The Tetris Effect” ដែលជាវិធីហ្វឹកហាត់ចិត្តឲ្យផ្តោតអារម្មណ៏លើភាពវិជ្ជមានជាជាង ភាពអវិជ្ជមាននៅក្នុងជីវភាពរស់នៅប្រចាំថ្ងៃ។ គាត់បានផ្តល់អនុសាសន៏ថា: សូមសរសេរចំនុចល្អៗនៅក្នុងការងារនិងជីវិតដែលកើតមានប្រចាំថ្ងៃរបស់អ្នកឲ្យបាន ៣ (ធ្វើបែបនេះជារៀងរាល់ថ្ងៃ)។ ការធ្វើបែបនេះ ជួយឲ្យអ្នកគិតត្រឡប់ទៅសកម្មភាពប្រចាំថ្ងៃ ដើម្បីរកភាពវិជ្ជមាន សក្តានុពល និងលទ្ធភាពរបស់អ្នក។ ចំនុចទាំង៣នេះ អាចជាអ្វីមួយដែលសមញ្ញ តូចតាច ជាអ្វីដែលធ្វើឲ្យអ្នកញញឹម ឬសើច ជាអ្វីមួយដែលធ្វើឲ្យអ្នកទទួលបានជោគជ័យ ឬ ក្តីសង្ឃឹមជាដើម។ល។ វាមិនចាំបាច់តែអ្វីដែលស៊ីជម្រៅឬជាក់លាក់ពេកទេ។
លំហាត់បែបនេះ មើលទៅហាក់ដូចជាគំនិតលីលា ប៉ុន្តែបើតាមការដកស្រង់ពីការសិក្សាស្រាវជ្រាវរបស់លោក Achor (២០១០) បានបង្ហាញថាមនុស្សដែលបានសរសេរនូវចំនុចល្អ៣ជារៀងរាល់ថ្ងៃ អស់រយៈពេល១សប្តាហ៏ គឺមានភាពរីករាយជាងមុន និងមិនសូវមានការធ្លាក់ទឹកចិត្តនៅពេលដែលគេធ្វើការតាមដាន១ខែម្តង ៣ខែម្តង និង៦ខែម្តង។ ពិតជាមិនគួរឲ្យជឿមែន!
ជាមេរៀនដែលយើងទទួលបាន គឺថា នៅពេលដែលយើងចាប់ផ្តើមយកភាពល្អៗ នៅក្នុងលោកយើងនេះមកពិចារណា នោះវានឹងក្លាយជាទម្លាប់ដែលយើងមើលឃើញភាពល្អៗកាន់តែច្រើន។ ដើម្បីជួយឲ្យយើងទម្លាប់នឹងការធ្វើលំហាត់បែបនេះ សូមកំណត់ពេលវេលាអនុវត្តវាជារៀងរាល់ថ្ងៃ។
ឯកសារយោង
Achor, S. (2012). Positive intelligence: Three ways individuals can cultivate their own sense of well-being and set themselves up to succeed. Harvard Business Review, 90(1/2), 100-102.
Achor, S. (2010). The happiness advantage: The seven principles of positive psychology that fuel success and performance at work. New York: Crown Publishing Group.
ប្រែសម្រួលដោយ លោកស្រី ពាន់ ស៊ីណា
ហឿ សេធុល
បរិញ្ញាប័ត្រជាន់ខ្ពស់ឯកទេសពិគ្រោះយោបល់ផ្នែកផ្លូវចិត្ត
ពីសកលវិទ្យាល័យ De La Salle, Philippines
ទំនាក់ទំនងៈ
ទូរសព្ទៈ 088 90400
បរិញ្ញាប័ត្រជាន់ខ្ពស់ឯកទេសពិគ្រោះយោបល់ផ្នែកផ្លូវចិត្ត
ពីសកលវិទ្យាល័យ De La Salle, Philippines
ទំនាក់ទំនងៈ
ទូរសព្ទៈ 088 90400
0 comments:
Post a Comment